SILENCE STILL REIGNS

Between my being I,
And your being who you are,
And this sublime unacquaintance of ours,
Silence still reigns. (more…)

दैनिकी

यो दैनिकी हो
चार पर्खालले घेर्न नसकेका
असिमीत इच्छाहरुको दस्तावेज ।
म आफ्नै इच्छाबिना
बिनाकाम टुडिखेलको परिक्रमा गर्दोछु (more…)

उपहार

एउटा अर्को सामान्य दिन
असामान्य उमङ्गमा उदाइदिन्छ-
चराको चिरबिर मीठो आज
हावाको सुसेली मीठो आज ।
तिम्रो अनुपस्थितिको प्रेमदिवस
बिहानै घाम बनेर झ्यालसम्म आइपुग्दा
पवन बनेर कानसम्म आइपुग्दा
नभेटिएकै सामीप्यता पनि
पुन: हराएझैं अनुभव यो ।
हृदयमा कुदिँएकी तिमी
मनमा सजिएकी तिमी
हत्केलाका धर्काहरुमा कोरिएर
कतै लुकेकी भए,
सपनाहरु कुनैदिन बद्लिदिन्छन् यथार्थमा ।
मायाको नजरमात्र पाए
तिम्रो साथको पर्खाइमा
यो दिन के समय हो,
जुग नै पनि निमेषमात्र ।
विश्वस रहे मायामा
हर बिहान प्रेमदिवस होइन र?
एउटा अर्को सुन्दर दिन
मायाको उपहार तिमीलाई !!

गजल ५

हृदयको झोलीभित्र सम्झनाको खात रहेछ
माया त्यसको नाममात्र, पीडा त्यसको जात रहेछ ।

इतिहासका पानाहरु समयले पल्टाइदिंदा
बेचैनीको दिन अनि अनिद्राको रात रहेछ ।

कल्पनामै रमाउने बेहोसीमा हराइदिने
एकान्तमा लट्ठपार्ने बिना नशाकै मात रहेछ ।

आँशुमात्र एक उपहार, हाँसो खुशी पराइ हुँदा
जीवनभरको प्रतिक्षाको अप्राप्तिनै सौगात रहेछ ।

प्रेमपथको कठोर यात्रा चोटग्रस्त एक्लो पथिक
बीचबाटोमै ठेस लाग्दा ताली मार्ने जमात रहेछ ।

हृदयको झोलीभित्र …..

गजल ४

अँध्यारो भो’ मनभित्रको आकाश अलिकति
नपाई तिम्रो मुस्कानको प्रकाश अलिकति ।

फूल नै हौ तिमी आखिर, खानी सौन्दर्यकी
लाख हुन्थ्यो पाएदेखि सुवास अलिकति ।

पूर्णचन्द्र मुहारबाट पन्छाउन बादल
गरिनौ कि अधर खोल्ने प्रयास अलिकति?

पीडा हुन्छ हृदयमा, अभावमा तिम्रो
दिन्नौ किन दर्दलाई निकास अलिकति?

मायामात्र प्रेमीलाई हुन्न रैछ काफी,
खाँचो भयो मायालाई विश्वास अलिकति ।।

अँध्यारो भो’ मनभित्रको।।।