गजल १
आँखा जुद्धा नजरहरु झुकाएर गयौ
के के थियो मनमा कुरा लुकाएर गयौ ।
कल्पनामा पिरतीको माला उनेको थें
यथार्थमा गाँठो त्यस्को फुकाएर गयौ ।
बादलका आकृतिमा तस्वीर तिम्रो खोज्थें
मुहान थियो भावनाको, सुकाएर गयौ ।
निशब्द नै भएपनि वर्तालाप त थियो
बाँधेको मन खोल्ने मौक चुकाएर गयौ ।
माया गर्ने मायालुको माया नबुझेर
तिमीलाई नै राख्ने यो मन दुखाएर गयौ ।।
आँखा जुद्धा नजरहरु …..
गजल
हृदयमा गुन्जायमान झंकार चोरिएछ
कल्पनाको बागबाट बहार चोरिएछ ।
रित्तो रित्तो लाग्छ यो मन, सून्य सून्य खाली
मनभित्रै लुकाएको संसार चोरिएछ ।
चखेवाको जोडी बनाइ बादलपारी लाने
सपनाको स्वरूप अनि आकार चोरिएछ ।
हाँसेकै छ ओठ नयन छैन रसाएको
खुशी पार्ने मनलाई तर, आधार चोरिएछ ।
पाइला पाइला अमृतको प्याला पिलाउने
साँचेको थें पिरतीको भन्डार चोरिएछ ।।
हृदयमा गुन्जायमान ।।।।।
गजल २- गजल ४
- उपहार
- गजल १
- गजल ५
- दैनिकी
जीवनयात्रा
By Blogsdna
