गजल

हृदयमा गुन्जायमान झंकार चोरिएछ
कल्पनाको बागबाट बहार चोरिएछ ।

रित्तो रित्तो लाग्छ यो मन, सून्य सून्य खाली
मनभित्रै लुकाएको संसार चोरिएछ ।

चखेवाको जोडी बनाइ बादलपारी लाने
सपनाको स्वरूप अनि आकार चोरिएछ ।

हाँसेकै छ ओठ नयन छैन रसाएको
खुशी पार्ने मनलाई तर, आधार चोरिएछ ।

पाइला पाइला अमृतको प्याला पिलाउने
साँचेको थें पिरतीको भन्डार चोरिएछ ।।

हृदयमा गुन्जायमान ।।।।।

Tags: , , , , ,

Sunday, October 25th, 2009| surplus | Gazals | Literature | Comment | Trackback |

Reply