गजल ५

हृदयको झोलीभित्र सम्झनाको खात रहेछ
माया त्यसको नाममात्र, पीडा त्यसको जात रहेछ ।

इतिहासका पानाहरु समयले पल्टाइदिंदा
बेचैनीको दिन अनि अनिद्राको रात रहेछ ।

कल्पनामै रमाउने बेहोसीमा हराइदिने
एकान्तमा लट्ठपार्ने बिना नशाकै मात रहेछ ।

आँशुमात्र एक उपहार, हाँसो खुशी पराइ हुँदा
जीवनभरको प्रतिक्षाको अप्राप्तिनै सौगात रहेछ ।

प्रेमपथको कठोर यात्रा चोटग्रस्त एक्लो पथिक
बीचबाटोमै ठेस लाग्दा ताली मार्ने जमात रहेछ ।

हृदयको झोलीभित्र …..

Leave a Reply

Your email address will not be published. Required fields are marked *