गजल ३

भित्री मन यो ओइलिएको छ गुलाफ यहाँ फुलेर के?
मनको बाग छ उजाड उजाड कोईली यहाँ डुलेर के?

कुहिरो छ मडारिँदो छातीभित्र तूफानमा
झरी पछि बादल फाटि आकास यहाँ खुलेर के?

रित्याएर नयन सधैँ आगो मनको निभाउँछु
झूठो मुस्कान सधैँभरी ओठमा यहाँ खोलेर के?

बाँधिएन शरीरभित्र टाढा भयो हृदय नै
घाम र पानी इन्द्रेणीको रंगमा यहाँ घुलेर के?

दर्दबोकि यादहरु झुल्किरहन्छन् स्मृतिमा
मदिराको प्यालाभरी एकपल यहाँ भुलेर के?

भित्री मन यो……..

Leave a Reply

Your email address will not be published. Required fields are marked *