गजल १

आँखा जुद्धा नजरहरु झुकाएर गयौ
के के थियो मनमा कुरा लुकाएर गयौ ।

कल्पनामा पिरतीको माला उनेको थें
यथार्थमा गाँठो त्यस्को फुकाएर गयौ ।

बादलका आकृतिमा तस्वीर तिम्रो खोज्थें
मुहान थियो भावनाको, सुकाएर गयौ ।

निशब्द नै भएपनि वर्तालाप त थियो
बाँधेको मन खोल्ने मौक चुकाएर गयौ ।

माया गर्ने मायालुको माया नबुझेर
तिमीलाई नै राख्ने यो मन दुखाएर गयौ ।।

आँखा जुद्धा नजरहरु …..

Tags: , , , , ,

Sunday, October 25th, 2009| surplus | Gazals | Literature | Comment | Trackback |

Reply